Es gat weiter!

Mir geabat koi Ruah! Vier mal war jetzt dia Schwäbisch Hall ausverkauft. Ond der Herbscht, der isch eh so triab - deswega bringat mir dau a weng Licht in dean neabliga Herbscht. Auf gat´s - Schwablantis, die fünfte - am:

Freitag, 24. November
20:00 Uhr

Dia Billatla send au scho mea fascht weg, deswega: SECHS SELLS!
- Schwablantis, die sechste:

Donnerstag, 23.11.2017

Karta kriagat Ihr wieder beim Kerza Bader, bei d´r Buchhandlung Pfob oder au glei in dem moderna Zuig, dem Internet

Allt´s was sonscht no so kommt - bei de Terminlichkeiten

Des gibt´s doch gar et!

Jetzt gat´s los! Des gibt´s doch gar et! D´r Schorsch von Schwablantis hat jetzt a Schtammplätzle gfonda - ond zwar in onserm Lokalbläddle. D´r Genzburger Zeitung. Dau verreck doch! Auf jeden Fall duad´r dau jetzt alle vier Wucha seine Gedanka ausbreida ond mit seiner Sicht auf dia Welt eaba dia z´mindescht a Stickle grad rucka. Ganz am Ofang hat´n der Chefredaktör höchstpersönlich gfraugat, wia denn des so isch. Ond in Zukunft kennat Ihr dean Schorsch dann au no heara und des Ganze in Videobildla mit ogugga. Was´r so zum saga hat.

Alles Weitere fendat Ihr in d´r neia Rubrik bei Muldimedia:

Vorgugger - oder Vorhörer

Vor deam dridda Zusatzkonzertle hand´se im Boirischa Rundfunk - nadirlich in d´r Sendung "Mittags in Schwaben" von Schwablantis berichtet. Und des hand´se sogar richtig guad gmacht. Deshalb gfreiat mir uns, des auf onserer Seite zum präsentiera. Horchat no nei...

 

SCHREIB AN BRIAF
Schwablantis Hädkworter
Hermann Skibbe
Zusamstraße 9
89331 Burgau
RUAF O

0171/3238823
Hasch Honger?

Iss a Wurschtbrot.
HOCK AN COMBJUDER

Endlich! CD und Liaderbiachle

Praktisch mit der Bremiere isch au onser CD rauskomma. Gleichzeitig - sozusagen als kloina Bonusüberraschung - gibts auch no unser Liaderbiachle mit alle Tekschde und weitere luschdige Sacha denna. Bschdella kennat Ihr des allt´s über onsern unglaublich interessanta Mörtschendeisshop. Auf gat´s!

JETZT BSCHDELLA...

Ond wenns Eich bressiert - Nau gibt´s au no des Ei-Tunes...

Des fendat Ihr grad im Mördschendeis Angebot: